नातं

हवंच का
     तुझ्या माझ्या नात्याला नाव?
तू हसावंस ओळखीचं
     माझ्या भोळसट स्मिताला …
अन्
     तू आपल्या पिंग्या केसातुन
हात फिरवतांना,
     त्यांच्यावरुन परतणा-या प्रकाशाकडे
               मीही मुग्ध होऊन पाहत राहावं …

अगदीच मनातल्या गुजगोष्टी नकोत
     दोन-चार गप्पाच माराव्यात
मला नकोय जन्म-जन्मांतरीचा सहवास
          तुझ्या सोबतीचे चार पळही पुरतील …

माझ्यासाठी तू जीव पाखडावास
     असं मी म्हणत नाही
मात्र हृदयात माझी एक जागा ठेवशील
               अशी खात्री अाहे …

तरीही तुझ्या-माझ्या नात्याला नाव हवं का खरंच?