बाहेर पाहतांना
Posted by उदयराज बाळ on July 26, 2006
बाहेर पाहतांना आत मात्र
सापडतोय स्वत:च स्वत:ला
प्रत्येक वेळी विचार करतो
मी खरंच का माझ्या कोषातून
पडलो असेन बाहेर
झाले असेल माझे
फुलपाखरु सुंदर
दरवेळी स्वत:ला घडतांना पाहण्याचा
मला असा छंद लागतोय
बाहेर पाहतांना आत मात्र
स्वत:च स्वत:ला सापडतोय
आत्ममग्न गुणगुण स्वत:ची
स्वत:च ऐकतांना
माझ्यातल्या माझीच ओळख पटतेय
सारखं बाहेर पाहतांना
आतही काही वाहतेय
कळत नकळत मात्र
स्वत:च स्वत:ला सापडतोय
एवढच फक्त खरं!
